ເມືອງງອຍ ກັບບ້ານ 14 ຄົນ ຫາຍດີຈາກການຕິດເຊື້ອໂຄວິດ-19

ເມືອງງອຍ ກັບບ້ານ 14 ຄົນ ຫາຍດີຈາກການຕິດເຊື້ອໂຄວິດ-19

ວັນທີ 11/10/2021 ຜ່ານມານີ້ ເມືອງງອຍ ແຂວງຫຼວງພະບາງ ໄດ້ມີພິທີສົ່ງຜູ້ຕິດເຊື້ອພະຍາດໂຄວິດ-19 ທີ່ໄດ້ຮັບການປີ່ນປົວ ຢູ່ສູນປິ່ນປົວ ໂຮງຮຽນປະຖົມບ້ານປາກບາກ ຈົນອາການຫາຍດີເປັນປົກກະຕິ 14 ຄົນ,

ເຊິ່ງໄດ້ຮັບການຢັ້ງຢືນຈາກຄະນະສະເພາະກິດ ແລະແພດໝໍ ຈິ່ງໃຫ້ກັບຄືນໄປຈໍາກັດບໍລິເວນຢູ່ເຮືອນຕື່ມ 14 ວັນ, ພາຍຫຼັງປິ່ນປົວດີ ແລະຜົນການກວດຫາເຊື້ອທີ່ໄດ້ກັກໂຕຢູ່ເຮືອນທັງ 2 ຄັ້ງ,ກໍ່ເຫັນໄດ້ວ່າບໍ່ພົບເຊື້ອທັງ 2 ຄັ້ງຕິດຕໍ່ກັນ.

ສໍາລັບເມືອງງອຍມີສູນປິ່ນປົວ-ຈໍາກັດບໍລິເວນ ທັງໝົດ 5 ສູນຄື: ສູນໂຮງຮຽນປະຖົມບ້ານປາກບາກ 49 ຄົນ,ສູນສະໂມງສອນຂອງເມືອງງອຍ 131 ຄົນ,ສູນໂຮງຮຽນ ມມັດທະຍົມສົມບູນ ເມືອງງອຍ 205 ຄົນ,ສູນເຂື່ອນໄຟຟ້ານໍ້າອູ 3 ມີ 24 ຄົນ ແລະສູນໂຮງຮຽນປະຖົມບ້ານສົບຮຸນ 32 ຄົນ. ປັດຈຸບັນນີ້ເມືອງງອຍມີຜູ້ຕັດເຊື້ອໂຄວິດ-19 ທັງໝົດ 490 ຄົນ,ໄດ້ປິ່ນປົວດີ 18 ຄົນ, ໄດ້ສົ່ງໃຫ້ແຂວງ 31 ຄົນ, ບໍ່ມີກໍລະນີເສຍຊີວິດ ແລະ ກໍາລັງປີ່ນປົວ 441 ຄົນ.

Leave a Reply

Your email address will not be published. Required fields are marked *