ປກສ ໄຊທານີ ອາຍັດເງິນ ຫລາຍຮ້ອຍລ້ານກີບ.

ປກສ ໄຊທານີ ອາຍັດເງິນ ຫລາຍຮ້ອຍລ້ານກີບ. ເຈົ້າຫນ້າທີ່ ປກສ ເມືອງໄຊທານີ ນະຄອນຫລວງວຽງຈັນ ໄດ້ສັ່ງອາຢັດເງິນໃນທະນາຄານ ຂອງຜູ້ຖືກຫາຄະດີຢາເສບຕິດ ມີເງິນຈຳນວນ 5.202.300 ບາດ, 237.000.000 ກວ່າກີບ ແລະ 3200 ກວ່າໂດລາສະຫະລັດ. ປກສ ເມືອງໄຊທານີ ແກ້ໄຂເປົ້າໝາຍຄ້າຂາຍຢາເສບຕິດທັງໄດ້ທັງໝົດ 144 ເລື່ອງ, ຈັບຕົວຜູ້ຖືກຫາມາດໍາເນີນຄະດີໄດ້ 205 ຄົນ ຍິງ 29 ຄົນ; ໃນນີ້, ແກ້ໄຂເປົ້າໝາຍລາຍໃຫຍ່ ໄດ້ 3 ຄົນ, ລາຍກາງ ໄດ້ 13 ຍິງ 4 ຄົນ, ລາຍຍ່ອຍ ໄດ້ 142 ຍິງ 13 ຄົນ ແລະ ແກ້ຈຸດມົ້ວສຸມ ໄດ້ທັງໝົດ 34 ຈຸດ, ມີຜູ້ຖືກຫາ 47 ຄົນ ຍິງ 12 ຄົນ; ຈາກການແກ້ໄຂຄະດີພວກເຮົາສາມາດຍຶດຂອງກາງຢາເສບຕິດໄດ້ຫຼາຍລາຍການຄື: ຢາບ້າ ຢຶດໄດ້ 1.605.687 ເມັດ, ຢາໄອສ໌ 6 ກິໂລ ກັບ 596 ກຼາມ, ລົດໃຫຍ່ຈຳນວນ 7 ຄັນ, ລົດຈັກ 7 ຄັນ, ອາວຸດເສິກ 4 ກະບອກ, ປືນສັ້ນ 3 ກະບອກ, ປືນຍາວ AK ຈໍານວນ 1 ກະບອກ. ອັນພົ້ນເດັ່ນ: ສາມາດແກ້ໄຂຄະດີລາຍໃຫຍ່ໄດ້ 2 ເລື່ອງ, ຈັບຕົວຜູ້ຖືກຫາໄດ້ 10 ຍິງ 1 ຄົນ ຢຶດຢາເສບຕິດປະເພດຢາບ້າໄດ້ 502.875 ແມັດ, ຢາໄອສ໌ 6 ກິໂລ ກັບ 21 ກຼາມ, ລົດໃຫຍ່ຈຳນວນ 5 ຄັນ, ລົດຈັກຈຳນວນ 2 ຄັນ, ເງິນກີບຈໍານວນ 156.400.000 ກີບ, ເງິນບາດ 3.866.000 ບາດ, ເງິນໂດລາ 25.800 ໂດລາ, ຄຳຮູບປະພັນລວມ 24 ລາຍການ, ໂທລະສັບ 9 ໜ່ວຍ, ໃບຕາດີນ 8 ໃບ, ເຮືອນ 2 ຫຼັງ, ເຊິ່ງຄະດີດັ່ງກ່າວເກີດຂຶ້ນໃນ 6 ເດືອນຕົ້ນປີ 2022.