ເກີດແຜ່ນດິນໄຫວ​ຂະໜາດ​ 3,​8​ ຣິກເຕີ​ ຢູ່ເມືອງ​ວຽງທອງ​ ແຂວງບໍລິຄຳໄຊ

ເກີດແຜ່ນດິນໄຫວ​ຂະໜາດ​ 3,​8​ ຣິກເຕີ​ ຢູ່ເມືອງ​ວຽງທອງ​ ແຂວງບໍລິຄຳໄຊ ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 30 ມີຖຸນາ 2022, ເວລາ 00:37 ໂມງ​ ຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໃນຂອບເຂດທົ່ວປະເທດເຊິ່ງໄດ້ພົບສັນຍານການເກີດແຜ່ນດິນໄຫວພາຍ ໃນປະເທດລາວ ຈຳນວນ 01 ຄັ້ງ, ໃນບໍລິເວນ ແຂວງ ບໍລີຄຳໄຊ ລາຍລະອຽດຂອງການເກີດແຜ່ນດິນໄຫວ ມີຄືດັ່ງລຸ່ມນີ້: 1. ໃນເວລາ 00:37:50, ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງເສັ້ນຂະໜານທີ່ 18.430°N ແລະ​ ເສັ້ນແວງທີ່ 104.450°E ຄວາມແຮງສັ່ນສະເທືອນວັດແທກໄດ້ 3.8 ຣິກເຕີ, ເຊິ່ງມີຄວາມເລີກຈາກເທິງໜ້າດິນປະມານ​ 10 Km ຈຸດສູນກາງເກີດແຜ່ນດິນໄຫວຢູ່ທີ່ ບໍລິເວນບ້ານ ນາກາງ ເມືອງ ວຽງທອງ ແຂວງ ບໍລີຄຳໄຊ, ເຊິ່ງຈຸດເກີດແຜ່ນດິນໄຫວແມ່ນຫ່າງຈາກເທດສະບານ ເມືອງ ວຽງທອງ ປະມານ 10 KM​ ແລະ​ ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ. ຮູບປະກອບຈາກເພຈບ້ານທາດພູວຽງ ເມືອງວຽງທອງ