ບັນຍະກາດຂອງ ການຝຶກຊ້ອມ ຂອງ ນັກກິລາ ທີມຊາດຍິງ ລາວ ຊຸດໃຫຍ່ ກະກຽມເຂົ້າຮ່ວມ ການແຂ່ງຂັນເຕະບານຍິງ ຊີງແຊ໋ມອາຊີ 2022 ຮອບຄັດເລືອກ AFC Women’s Asian Cup 2022 Qualifiers ທີ່ຈະຈັດຂຶ້ນລະຫວ່າງວັນທີ 13-25 ກັນຍາ 2021 ທີມຊາດລາວ ຢູ່ຮ່ວມກຸ່ມ ເອ ຮ່ວມກັບ ໄຕ້ຫວັນ ( ເຈົ້າພາບ ) ແລະ ບາເຣນສຳລັບ ທີມຊາດລາວ ແມ່ນໄດ້ເລີ້ມເກັບໂຕຝຶກຊ້ອມນັບຕັ້ງແຕ່ເດືອນ ກໍລະກົດ 2021 ເປັນຕົ້ນມາ.
ການແຂ່ງຂັນລາຍການດັ່ງກ່າວ ຮອບຄັດເລືອກ ແມ່ນຈະນຳເອົາແຊ໋ມຂອງແຕ່ລະກຸ່ມຜ່ານເຂົ້າໄປຫຼິ້ນໃນຮອບສຸດທ້າຍ ທີ່ປະເທດອິນເດຍ ເປັນເຈົ້າພາບ ລະຫວ່າງວັນທີ 20 ມັງກອນ ຫາ 6 ກຸມພາ 2022 ຮ່ວມກັບທີມວາງ 4 ທີມ ປະກອບມີ ອິນເດຍ ເຈົ້າພາບ, ຍີ່ປຸ່ນ ແຊ໋ມເກົ່າ, ອົດສະຕຣາລີ ຮອງແຊ໋ມເກົ່າ ແລະ ສປ ຈີນ ທີມອັນດັບທີ 3. ຊຶ່ງລາຍການນີ້ແມ່ນຈະຄັດເອົາ 5 ທີມສຸດທ້າຍ ທີ່ດີທີ່ສຸດໄປແຂ່ງຂັນເຕະບານຍິງ ຊີງແຊ໋ມໂລກ 2023 ຮອບສຸດທ້າຍ ທີ່ປະເທດອົດສະຕຣາລີ ແລະ ນິວຊີແລນ ເປັນເຈົ້າພາບຮ່ວມ ແລະ ຍັງມີໂຄຕາອີກ 2 ທີມ ທີ່ຈະໄດ້ໄປແຂ່ງຮອບຄັດເລືອກຈາກທະວີບອື່ນໆ ເພື່ອຄວ້າໂຄຕາສຸດທ້າຍຕໍ່ໄປ.
ຕາຕະລາງ ການແຂ່ງຂັນຂອງ ທີມຊາດລາວ+ ວັນທີ 16 ກັນຍາ 2021 ເວລາ 19:00 ລາວ ພົບ ໄຕ້ຫວັນ ແຂ່ງຂັນຢູ່ທີ່ສະຫນາມ National Stadium, Kaohsiung City.+ ວັນທີ 19 ກັນຍາ 2021 ເວລາ 19:00 ລາວ ພົບ ບາເຣນ ແຂ່ງຂັນຢູ່ທີ່ສະຫນາມ National Stadium, Kaohsiung City.