ບັນຫາລືມຈໍ້າກາຂາເຂົ້າໃຫ້ນັກທ່ອງທ່ຽວຈະໄດ້ຮັບການແກ້ໄຂ
ກ່ອນໜ້ານີ້ ປະມານວັນທີ 31 ກໍລະກົດ 2022 ຜ່ານມາມີຜູ້ໃຊ້ເຟສບຸກ Raweenan Jo ເປັນນັກທ່ອງທ່ຽວຊາວໄທ ແຊປະສົບການເລື່ອງການເຂົ້າດ່ານສາກົນລາວ-ໄທ ແຂວງສະຫວັນນະເຂດ ແລ້ວເຈົ້າໜ້າທີ່ບໍ່ຈໍ້າກາເຂົ້າເມືອງໃຫ້ ແຕ່ເວລາ ອອກຖືກປັບໃໝ 4500ບາດ.
ຫຼ້າສຸດວັນທີ 3 ສິງຫາ 2022 ນີ້ຜູ້ກ່ຽວອອກມາໂພສຕື່ມວ່າ ໄດ້ມີເຈົ້າໜ້ສທີ່ດ່ານໂທຫາ ສືບສວນກໍລະນີທີ່ມີການເຮັດຜິດພາດ, ເພື່ອຈະໄດ້ກວດສອບກົກປາຍສາເຫດ ແລະ ແກ້ໄຂ.
ແຕ່ເຖິງຢ່າງໃດກໍຕາມ ຜູ້ກ່ຽວໄດ້ຝາກເຖິງຜູ້ເດີນທາງເຂົ້າ-ອອກເມືອງວ່າ ໃຫ້ມີສະຕິລະມັດລະວັງໃນການກວດກາຫຼັງຈາກມີການຍື່ນພາສປອດໃຫ້ເຈົ້າໜ້າທີ່ ເພື່ອປ້ອງກັນການຫຼົງລືມ ຫຼື ກໍລະນີຜິດພາດ.
ບັນຫານີ້ຈະໄດ້ຮັບການແກ້ໄຂຢ່າງຈິງຈັງຫຼືບໍ່ຕ້ອງລໍຕິດຕາມກັນຕື່ມ ຫາກທ່ານໃດພົບບັນຫາກໍສາມາດແຈ້ງລົງກຸ່ມ ຫຼື ຊ່ອງທາງຕ່າງໆໄດ້.
ທີ່ມາ
