ລາວສູ້ໆ! ທີມນັກກິລາ ເຫຼົ່າຮົບສື່ສານ ເຂົ້າຮ່ວມແຂ່ງຂັນ ກິລາການທະຫານສາກົນ 2022

ລາວສູ້ໆ! ທີມນັກກິລາ ເຫຼົ່າຮົບສື່ສານ ເຂົ້າຮ່ວມແຂ່ງຂັນ ກິລາການທະຫານສາກົນ 2022 ໃນວັນທີ 14 ສິງຫາ 2022 ນີ້, ທີມນັກກິລາ ເຫຼົ່າຮົບສື່ສານ ໄດ້ເຂົ້າຮ່ວມແຂ່ງຂັນ ກິລາການທະຫານສາກົນ 2022 (ແຂ່ງຂັນ ທີ່ ສ ເບລາຣູດ) ເຊິ່ງໄດ້ແຂ່ງຂັນລະຫວ່າງວັນທີ 3-28 ສິງຫາ 2022 ນີ້, ໃນນີ້ ກະຊວງປ້ອງກັນປະເທດຕົກລົງ ແຕ່ງຕັ້ງ ນັກສຶກສາທະຫານລາວ ທີ່ກໍາລັງສຶກສາຢູ່ວິທະຍາຄານສື່ສານ ທີ່ ເຊັນປີເຕີສະເບີກ ສະຫະພັນຣັດເຊຍ. ໃນການແຂ່ງຂັນກິລາ ເຫຼົ່າຮົບສື່ສານ ຄັ້ງນີ້ ມີ ນັກກິລາເຂົ້າຮ່ວມທັງໝົດ 12 ປະເທດ ໃນນີ້, ທິມນັກກີລາ ເຫຼົ່າຮົບສື່ສານເຂົ້າຮ່ວມແຂ່ງຂັນ 2 ປະເພດກີລາຄື: ປະເພດວິທະຍຸສື່ສານ ແລະ ຜູ້ຊ່ຽວຊານດ້ານໄອທີ. ໃນການແຂ່ງຂັນຕົວຈິງ ທີມວິທະຍຸສື່ສານ ກອງທັບປະຊາຊົນລາວ ເຊິ່ງຈະໄດ້ແຂ່ງຂັນ 3 ວັນຄື: ວັນທີ 16 ແມ່ນ ຊອກຫາທີດທາງຈຸດສື່ສານ, ວັນທີ 17 ແມ່ນແຂ່ງຂັນ ຕີມັອກ-ຮັບມັອກ ແມ່ນແຂ່ງເອົາຄວາມໄວ, ວັນທີ 19 ແມ່ນແຂ່ງກວດກາທາງວິທະຍຸ. ກອງທັບປະຊາຊົນລາວ ແຂ່ງກັບ ກອງທັບ ຊີເຣຍ ແລະ ນັກກີລາດ້ານໄອທີ ແຂ່ງວັນທີ 20 ແມ່ນ ເສັງຄິດໄລ່ ທີດສະດີ, ວັນທີ 22 ແຂ່ງພາກປະຕິບັດຕົວຈິງ ໃນການຕິດຕັ້ງ ຕໍ່ສາຍໂທລະສັບ ແຂ່ງກັບ ກອງທັບຊູດານ.